Seandainya Obama jadi anak Betawi….

Terus terang ni ye, sebenarnya gue udah lama pengen mudik liat Menteng, Cikini trus ke Depok. Cuman lantaran macem-macem urusan, gue belon bisa aja kesini. Naaa, pas barusan kemaren ini sekalian abis dari India, gue sempetin dah mampir ke Betawi. Kangen gue ama elo semua, sobat nyang ude lame kagak ketemu, lagian gue juga udah pengeeen banget nyicipin soto Betawi…

Mangkenye, pas lagi maem ame juragan esbeye, gue nungguin tuh soto Betawi, apalagi gue jadi ingat tuh soto Betawi di Jalan Blora, nyang soto torpedo pak kumis. Elo jangan crite ya ame bini gue, entar die kaget kalo tau gue pengen maem macem-macem. Bini gue kagak ngarti tuh soto torpedo. Jamannya gue di Betawi dulu, nyak gue pan sering tuh beli soto torpedo, jadi gua ikutan ngerasain.

Eee.. ala makan malem ame juragan esbeye yang dateng cuma bakso ame nasi goreng. Padahal gue pengen makan nasi uduk juge sbetulnye. Cuman namenye tamu, pan kagak enak kalo minta macem-macem. Jadi aja gue cuman ngerasain bakso ame nasi gorengg…

Pokoknye ye, gue kangen maen ke Betawi. Gue inget dulu maen ame sobat kayak si Toyib, nguber-nguber ayam. Nyang punya ayam mare-mare ame gue. Trus nyak gue juga jadi ngomelin gue, jadi berabe deh. Tapi ya asik aje gue ame tu sohib. Ade lagi temen gue dulu si Dul, nyang doyan berantem. Dia bisa silat Betawi. Gue sempet juga diliatin silatnya Abang Jampang. Busyeet dah, gue nyobain ngelawan die, belon ape-ape gue udah kebanting.

Tapi nyang bikin gue kaget setengeh mati ni ye, gue gak nyangke kalo Betawi jadi keren abis. Nyang gue inget dulu masih banyak sawahnya, sekarang udah kagak ade. Padahal ni ye, gue ude ngimpi in ke Depok, gue mau nyemplung-nyemplung sawah gitu. Keinget jaman gue masih bocah ingusan dulu. Cuman pas di Depok kemaren ntu, gue kagak enak mau nyari cemplungan sawah, entar Pak esbeye jadi rikuh segale…

Pas gue ama bini ke Mesjid Istiqlal, wah gue seneng bukan maen. Soalnye, mesjid ntu, selain bagus bangunannye, tapi juge jadi simbol persatuan nye Indonesia. Katenye, rancangan masjid ntu dibikin sama arsitek Silaban nyang die nya ntu Kristen agamenye. Yang beginian pan keren banget. Coba elo pada cari di negare laen. Kagak ade nyang beginian. Mangkenye pas gue dicritain, kalo ade perselisihan umat beragame. Gue jadi bingung tuh. Masak ade nyang mau ngedoa, kagak bole bikin gereja. Wadooh, pan jadi repot kalo ngedoa ke Yesus di musola. Gue jadi garuk-garuk pale gue nyang kagak gatel.

Tapi maapin gue ye, elo anak-anak Betawi jadi pade repot. Pas gue mau lewat, elo pade disetopin, nyang ade macet dah sana-sini. Gue jadi sedih no, kagak ade gue aja, elo katenya ude macet melulu, apalagi jalanan disetop pas gua liwat. Maap ye, bener nih. Kadang gue juga mikir, kalo gue lama-lama di Betawi, tamba macet tuh jalanan.

***

Tulisan diatas cuma khayalan saya seandainya menjadi Obama yang datang ke Jakarta. Misalnya Obama merasa sebagai anak Betawi, mungkin itulah yang akan dia ungkapkan.

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s